विराटचोकः आज पनि सुन र चाँदीको भाउ घटेको छ । सुनको भाउ तोलामा ८ सय रुपैयाँ र चाँदीको भाउ तोलामा २० रुपैयाँ घटेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख १८ हजार ४ सय रुपैयाँ निर्धारण भएको छ । तेजाबी सुनको भाउ प्रति तोला १ लाख १७ हजार ८ सय ५० रुपैयाँ र चाँदीको भाउ प्रति तोला १ हजार ४ सय ८० रुपैयाँ निर्धारण भएको छ ।
हिजो पनि सुनको भाउ तोलामा २ हजार ४ सय रुपैयाँ र चाँदीको भाउ तोलामा ४५ रुपैयाँ घटेको थियो ।
