विराटचोकः आगामी आर्थिक वर्ष २०८१\८२ का लागि अर्थमन्त्री वर्षमान पुनले मंगलबार १८ खर्ब ६० अर्ब ३० करोड रूपैयाँको बजेट प्रस्तुत गरेका छन् । चालुतर्फ ११ खर्ब ४० अर्ब ६६ करोड रूपैयाँ अर्थात् ६१.३१ प्रतिशत, पुँजीगततर्फ तीन खर्ब ५२ अर्ब ३५ करोड अर्थात् १८.९४ प्रतिशत र वित्तीय व्यवस्थातर्फ तीन खर्ब ६७ अर्ब २८ करोड अर्थात् १९.७४ प्रतिशत विनियोजन गरिएको छ ।
बजेटमा सबैभन्दा बढी अर्थ मन्त्रालयलाई ११ दशमलव ९८ प्रतिशत अर्थात् २ खर्ब २२ अर्ब ८६ करोड रुपैयाँ विनियोजन गरिएको छ ।
दोस्रो नम्बरमा रहेको शिक्षा, विज्ञान तथा प्रविधि मन्त्रालयलाई २ खर्ब ३ अर्ब ६६ करोड रूपैयाँ विनियोजन गरिएको छ ।
गृह मन्त्रालयलाई १ खर्ब ९९ अर्ब २४ करोड रूपैयाँ र भौतिक पूर्वाधार तथा यातायात मन्त्रालयलाई १ खर्ब ५० अर्ब ५३ करोड रुपैयाँ छुट्याइएको छ ।
शहरी विकास मन्त्रालयका लागि ९२ अर्ब ६३ करोड, कृषि तथा पशुपन्छी विकास मन्त्रालयका लागि ५७ अर्ब २९ करोड रुपैयाँ र ऊर्जा क्षेत्र विकासका लागि ५० अर्ब ७४ करोड रुपैयाँ विनियोजन गरिएको छ ।
जलस्रोत तथा सिँचाइतर्फ ३६ अर्ब ८१ करोड रुपैयाँ, पर्यटन मन्त्रालयका लागि ११ अर्ब ९१ करोड रूपैयाँ, उद्योग, वाणिज्य तथा आपूर्ति मन्त्रालयलाई ९ अर्ब २८ करोड र सञ्चार तथा सूचना प्रविधि मन्त्रालयलाई सात अर्ब ३५ करोड रुपैयाँ विनियोजन गरिएको छ ।
त्यस्तै, श्रम, रोजगार तथा सामाजिक सुरक्षा मन्त्रालयलाई आठ अर्ब १० करोड रूपैयाँ, भूमि व्यवस्था, सहकारी तथा गरिबी निवारण मन्त्रालयलाई ६ अर्ब ८२ करोड रुपैयाँ, स्वास्थ्य तथा जनसंख्या मन्त्रालयलाई ८६ अर्ब २४ करोड रुपैयाँ, वन तथा वातावरण मन्त्रालयलाई १५ अर्ब ७० करोड रुपैयाँ र खानेपानी मन्त्रालयलाई २६ अर्ब ६३ करोड रुपैयाँ विनियोजन गरिएको छ ।
युवा तथा खेलकुद मन्त्रालयलाई तीन अर्ब ५० करोड रूपैयाँ, रक्षा मन्त्रालयलाई ५९ अर्ब ८७ करोड रूपैयाँ, परराष्ट्र मन्त्रालयलाई ६ अर्ब ७७ करोड रूपैयाँ र महिला, बालबालिका तथा ज्येष्ठ नागरिक मन्त्रालयका लागि १ अर्ब ६० करोड रुपैयाँ विनियोजन गरिएको छ ।
ज्येष्ठ नागरिक लगायतका लक्षित समूहलाई सामाजिक सुरक्षा भत्तावापत एक खर्ब १६ अर्ब छुट्याइएको छ । काठमाडौं–तराई मधेस द्रुतमार्ग आयोजनाका लागि २२ अर्ब ५४ करोड रूपैयाँ बराबरको बजेट प्रदान गरिएको छ । औद्योगिक विकास र उद्यमशीलता प्रवद्र्धनका लागि ६ अर्ब ५५ करोड रुपैयाँ छुट्याइएको छ । भूकम्पपछिको पुनर्निर्माणका लागि २१ अर्ब ६० करोड रुपैयाँ छुट्याइएको छ ।
सम्बन्धित थप समाचारहरुः
