सुनको भाउ एकै दिन घट्यो २४०० रुपैयाँ, चाँदीको ४५ रुपैयाँ

विराटचोकः आज सुन र चाँदी दुवैको भाउ घटेको छ । सुनको भाउ तोलामा २ हजार ४ सय रुपैयाँ घटेको छ भने चाँदीको भाउ तोलामा ४५ रुपैयाँ घटेको छ ।

नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख १९ हजार २ सय रुपैयाँ निर्धारण भएको छ । तेजाबी सुनको भाउ प्रति तोला १ लाख १८ हजार ६ सय ५० रुपैयाँ र चाँदीको भाउ प्रति तोला १ हजार ५ सय रुपैयाँ निर्धारण भएको छ ।

हिजो सुनको भाउ तोलामा ८ सय रुपैयाँ बढेर हालसम्मकै उच्च मूल्यमा पुगेको थियो ।