इटहरीः संगीतकर्मी भूमा अधिकारीको ‘तिमी बोल्दा…’ गीतको म्युजिक भिडियो सार्वजनिक भएको छ ।
इटहरीस्थित कोशी कलेजको सभाहलमा आयोजित कार्यक्रममा भिडियो सार्वजनिक गरिएको हो । सो गीतले प्रविधिको बढ्दो प्रयोगबीच मानवीय सम्बन्ध, सामाजिक सञ्जालमा गरिने प्रेमील संवाद र समतामूलक समाजको सन्देश प्रस्तुत गरेको छ ।
कार्यक्रममा गायिका गंगा गौतमले भूमासँग गीतसंगीत र संगीतको लोकप्रियता र महत्वसँग सम्बन्धित संवाद गर्नुभएको थियो ।
गीतका रचनाकार तथा संगीतकार मोहन तिम्सिनाले गीतको रचनासँग आधारित प्रसंग र अनुभव प्रस्तुत गर्नुभएको थियो ।
कार्यक्रममा सुनसरी र मोरङका साहित्यप्रेमी, गायक तथा संगीतकार, पत्रकार लगायतको उपस्थिति रहेको थियो ।
अधिकारीले सुन्दरहरैंचाको बलियामा अन्तरा म्युजिक सेन्टर पनि सञ्चालन गर्नुभएको छ ।
