इटहरीः नेपाली कांग्रेसको १५ औँ महाधिवेशनअन्तर्गत सुनसरीको लौकही सिटी हलमा जारी सुनसरी क्षेत्र नं. ४ को क्षेत्रीय अधिवेशन विवादमा परेपछि मतगणना रोकिएको छ ।
मतदानका क्रममा एक पक्षबाट मतपत्र फालेपछि उत्पन्न विवाद केही समय तनावको अवस्था सिर्जना भएको थियो । विवादका कारण मतदान तथा त्यसपछिको मतगणना प्रक्रिया प्रभावित भएको जनाइएको छ ।
स्थिति नियन्त्रणमा लिन सिटी हल परिसरमा सुरक्षा व्यवस्था कडा पारिएको छ । विवाद समाधान गरी निर्वाचन प्रक्रिया कसरी अघि बढाउने भन्ने विषयमा निर्वाचन समिति तथा स्थानीय नेताहरूबीच छलफल भइरहेको छ ।
