उर्लाबारीः मोरङको उर्लाबारी चोकदेखि दक्षिण इटहरा सडक खण्डको चिउरा मिलसम्मको १० ठाउँमा जेब्राक्रस निर्माण गरिएको छ ।
चाडपर्वमा सवारी तथा पैदलयात्रीको चाप बढ्ने भएकाले दुर्घटना न्यूनीकरण गर्ने उद्देश्यले जेब्राक्रस निर्माण गरिएको जनाइएको छ ।
नेकपा एमाले उर्लाबारी– ७ नम्बर वडा कमिटी र राष्ट्रिय खेलकुद महासंघको संयुक्त संयोजनामा जेब्राक्रस निर्माण गर्न स्थानीय व्यवसायी तथा संस्थाले आर्थिक र भौतिक सहयोग गरेका थिए । सो कार्यमा रंग महल, एन्जल फाउन्डेसन र अल राउन्ड डान्स सेन्टरले सहयोग गरेको जनाइएको छ ।
राष्ट्रिय खेलकुद महासंघका स्थायी कमिटी सदस्य योगेश बस्नेतले व्यस्त इटहरा सडकमा चाडपर्वका बेला दुर्घटनाको जोखिम बढ्ने भएकाले सडक सुरक्षा र जनचेतनाका लागि अभियान सञ्चालन गरिएको जानकारी दिनुभयो ।
