इटहरीः इटहरी–६, धरान लाइनमा रहेको गजुरमुखी ज्वेलर्सले आफ्नो १० औँ वार्षिकोत्सव मनाएको छ । शनिबार ज्वेलर्स परिसरमा नेपाल उद्योग वाणिज्य महासंघका केन्द्रीय सदस्य तथा उद्योग वाणिज्य संघ इटहरीका निवर्तमान अध्यक्ष जीवन पराजुलीको प्रमुख आतिथ्यमा केक काटेर वार्षिकोत्सव मनाइएको हो ।
कार्यक्रममा सहभागीहरूले गजुरमुखी ज्वेलर्सलाई वार्षिकोत्सवको शुभकामना दिँदै आगामी दिनमा थप सफलताको कामना गरेका थिए । वार्षिकोत्सवको अवसरमा ज्वेलर्सले ग्राहकलाई लक्षित गर्दै ‘मालामाल अफर’ समेत सार्वजनिक गरेको छ ।
ज्वेलर्सका सञ्चालक राकेश श्रेष्ठका अनुसार भदौ महिनाभरि सुनका गहना खरिद गर्ने ग्राहकलाई ज्यालामा शतप्रतिशत छुट प्रदान गरिने भएको छ । त्यस्तै, वार्षिकोत्सवको दिनदेखि रु. २५ हजारभन्दा माथिको खरिद गर्ने ग्राहकले लक्की ड्रमार्फत् ५० ग्राम चाँदीको सिक्का जित्ने अवसर समेत पाउने भएका छन् ।
ग्राहकलाई विशेष सुविधा प्रदान गर्ने उद्देश्यले वार्षिकोत्सवको अवसरमा उक्त अफर ल्याइएको सञ्चालक श्रेष्ठले बताउनुभयो । लामो समयदेखि ग्राहकको विश्वास र साथ पाउँदै आएको ज्वेलर्सले वार्षिकोत्सवलाई ग्राहकसँगको सम्बन्ध अझ मजबुत बनाउने अवसरका रूपमा लिएको उहाँको भनाइ थियो ।
वार्षिकोत्सव समारोहलाई सम्बोधन गर्नुहुँदै प्रमुख अतिथि पराजुलीले ज्वेलर्सलाई वार्षिकोत्सवको शुभकामना दिँदै व्यापार–व्यवसायको क्षेत्रमा आवश्यक सहयोग र सहकार्यका लागि आफूहरू सकारात्मक रहेको बताउनुभयो ।
पूर्वाञ्चल सुनचाँदी व्यवसायी संघ इटहरीका अध्यक्ष राजकुमार गजमेर, उद्योग वाणिज्य संघ इटहरीका पदाधिकारी, सुनचाँदी व्यवसायी तथा अन्य अतिथिहरूको सो कार्यक्रममा उपस्थिति रहेको थियो ।
