विराटचोकः बिहीबार सामाजिक सञ्जाल फेसबुकमा स्टाटस लेख्दै नेकपा एमालेका अध्यक्ष केपी शर्मा ओलीले हालै सम्पन्न प्रतिनिधि सभा निर्वाचनको परिणाम आफ्नो अपेक्षाअनुसार नआए पनि जनमतलाई स्वीकार गरेको बताउनुभएको छ ।
एमाले अध्यक्ष ओलीले निर्वाचनमा आफू र पार्टी दुवैले सोचेजस्तो सफलता प्राप्त गर्न नसकेको उल्लेख गर्दै लोकतन्त्रमा जनताको निर्णय नै अन्तिम हुने बताउनुभएको छ ।
यस्तो छ उहाँले लेख्नुभएको स्टाटस
‘दिदीबहिनी तथा दाजुभाइहरु
यस पटकको निर्वाचनमा मैले अपेक्षा गरेजस्तो परिणाम प्राप्त गर्न सकिनँ । हाम्रो पार्टीले पनि अपेक्षित परिणाम ल्याउन सकेन । लोकतन्त्रमा अन्तिम फैसला जनताकै हुन्छ र त्यो फैसला शिरोधार्य गर्नु म र मेरो पार्टीको कर्तव्य हो । जनताको मतलाई म पूर्ण सम्मानका साथ स्वीकार गर्दछु ।’
अध्यक्ष ओलीले एमाले जनताको बीचमै रहने र जनताको लागि नै काम गरिरहने बताउनुभएको छ ।
