भेडेटारः पार्टी गतिविधि विपरीत काम गरेको आरोपमा नेकपा एमाले धनकुटाले साँगुरीगढी गाउँपालिका उपाध्यक्ष मुना राईलाई पार्टीबाट निष्कासित गरेको छ ।
जिल्ला कमिटीको विस्तारित बैठकले गत प्रतिनिधिसभा निर्वाचनमा पार्टीििवरुद्ध गतिबिधि गरेको र अन्तरघात गरेको आरो लगाउँदै राईलाई कारवाही गरेको हो ।
प्रतिनिधिसभा सदस्य निर्वाचनका क्रममा पार्टीविरुद्ध अन्तर्घात गरेको आरोप लागेका कार्यकर्तामाथि छानबिन गर्न तीन सदस्यीय समिति गठन गरिएको एमालेले जनाएको छ । भीम राईको संयोजकत्वमा गठित समितिमा हिमादेवी भट्टराई र एमपी उपाध्याय सदस्य रहेका छन् ।
उपाध्यक्ष मुना राईले आफूलाई गरिएको औपचारिक जानकारी नपाएको बताउनुभएको छ । राईले विगतदेखि नै आफूलाई कारबाहीको नाममा दबाब दिने प्रयास भइरहेको बताउँदै कारबाही भएको भए त्यसलाई स्वाभाविक रूपमा लिने प्रतिक्रिया बताउनुभएको छ ।
धनकुटामा प्रतिनिधिसभा निर्वाचनमा एमालेका राजेन्द्रकुमार राई निर्वाचित भए पनि साँगुरीगढी गाउँपालिकामा भने श्रम संस्कृति पार्टीले धेरै मत पाएको थियो ।
