विराटचोकः राष्ट्रिय स्वतन्त्र पार्टीबाट ललितपुर ३ की उम्मेद्वार तोसिमा कार्की दोस्रो पटक प्रतिनिधिसभा सदस्यमा निर्वाचित हुनुभएको छ । उहाँले अघिल्लो पटकभन्दा झण्डै १२ हजार बढी मत ल्याउनुभएको हो ।
यस पटक ४३ हजार ९६ मत ल्याएर विजयी भएकी कार्की गत निर्वाचनमा ३१ हजार १३६ मत ल्याएर विजयी हुनुभएको थियो ।
कार्कीका निकटतम प्रतिष्पर्धी नेपाली कांग्रेसका जितेन्द्रकुमार श्रेष्ठले ९ हजार ४५ मत ल्याउँदा नेकपाका राजकाजी महर्जनले ६ हजार २२ मत ल्याउनुभयो ।
नेकपा एमालेका सन्दन थापा मगरले ३ हजार २९७ मत, राप्रपाका सबिनकुमार खड्काले २ हजार ३७ मत, श्रम संस्कृति पार्टीका ऋतुवर्तन राईले १ हजार ४७२ मत र उज्यालो नेपाल पार्टीका विजय पन्तले १ हजार ३२० मत ल्याउनुभएको छ ।
अन्य उम्मेद्वारले २०० भन्दा कम मत ल्याउनुभएको छ ।
