गोठगाउँः लायन्स क्लब अफ गोठगाउँ रोयल सिटीले हिजो एक कार्यक्रमका बीच पञ्चायत मावि गोठगाउँका तीन जना विद्यार्थीलाई छात्रवृत्ति प्रदान गर्नुका साथै दुई जना पूर्व शिक्षकलाई सम्मान गरेको छ ।
विद्यालय परिसरमा आयोजित कार्यक्रममा विद्यालयका पूर्व शिक्षक टोमबहादुर श्रेष्ठ र लक्ष्मी खरेल सम्मानित हुनुभएको हो ।
लायन्सले कक्षा ३ मा अध्ययनरत भुवन नेपाली, कक्षा ४ मा अध्ययनरत सागर फुयाल र कक्षा ६ मा अध्ययनरत सृष्टि चौधरीलाई छात्रवृत्ति प्रदान गरेको हो ।
छात्रवृत्ति प्रदान गरिएका विद्यार्थीलाई कक्षा १२ सम्मको पढाइमा लायन्स क्लब अफ गोठगाउँ रोयल सिटीले सहयोग गर्ने अध्यक्ष अनुरोध साहले जानकारी दिनुभयो । उहाँका अनुसार ती विद्यार्थीको स्टेशनरी खर्च, विद्यालय पोशाक, परीक्षा शुल्कलगायतका खर्च गोठगाउँ लायन्सले प्रदान गर्ने गरी विद्यालयसँग सम्झौता हुने भएको हो ।
