काठमाडौंः पूँजी बजारको नियमनकारी निकाय नेपाल धितोपत्र बोर्डले नियामकीय प्रावधान अटेर गर्ने एक सयभन्दा बढी कम्पनीलाई कारबाही गरेको छ । बोर्डले गत आर्थिक वर्षमा नियामकीय व्यवस्था अटेर गर्ने १०१ कम्पनीलाई कारबाही गरेको हो ।
बोर्डको कारवाहीमा पर्नेमा दुई धितोपत्र दलाल व्यवसायी, एक मर्चेन्ट बैंकर, एक हाइड्रोपावर कम्पनी, एक बीमा कम्पनी र ९६ सूचीकृत संस्थासहित रहेका छन् । उनीहरूमाथि समयमा वित्तीय विवरण नबुझाएको, शेयर बाँडफाँडमा पारदर्शिता नदेखाएको, सम्पत्ति शुद्धीकरण सम्बन्धी निर्देशन पालना नगरेको लगायतका विषयमा नियामकीय प्रावधानअनुरुप कारबाही गरिएको धितोपत्र बोर्डद्वारा जारी सूचनामा उल्लेख छ ।
दुई धितोपत्र दलाललाई पाँच÷पाँच हजार रुपैयाँ, १६ सूचीकृत संगठित संस्थालाई जनही एक लाख रुपैयाँ, ६९ कम्पनीलाई ५०÷५० हजार रुपैयाँका दरले आर्थिक जरिवाना गरिएको छ । केही कम्पनीलाई भने लिखित चेतावनी र निर्देशन दिइएको बोर्डले जनाएको छ ।
