विराटचोकः आज पनि सुन र चाँदी दुवैको भाउले उच्च मूल्यको रेकर्ड बनाएका छन् । आज सुनको भाउ तोलामा २ हजार ४०० रुपैयाँ र चाँदीको भाउ तोलामा २९० रुपैयाँ बढेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला ३ लाख ३ हजार ८०० रुपैयाँ निर्धारण भएको छ । चाँदीको भाउ प्रति तोला ६ हजार ४८० रुपैयाँ निर्धारण भएको छ । योसँगै सरस्वती पूजाको दिन माघ ९ गते कायम भएको सुन र चाँदीको उच्च मूल्यको रेकर्ड आज तोडिएको हो ।
शुक्रबार सुनको भाउ तोलामा ९ हजार २०० रुपैयाँ र चाँदीको भाउ तोलामा ३२० रुपैयाँ बढेको थियो । सो दिन सुन र चाँदीको भाउले हालसम्मकै उच्च मूल्य बनाएका थिए ।
