सुन्दरहरैंचाः साधारण सभा तथा लाभांश वितरण प्रयोजनार्थ श्री इन्भेष्टमेन्ट एण्ड फाइनान्स, बोटलर्स नेपाल (तराई) र मन्दाकिनी हाइड्रोपावरले भोलि (पुस २० गते) बुकक्लोज गर्ने भएका छन् ।
ती कम्पनीको साधारण सभामा सहभागिता जनाउन तथा लाभांश प्राप्त गर्न शेयर खरीद गरेर लगानीकर्ता बन्ने आज अन्तिम दिन हो ।
श्री इन्भेष्टमेन्ट एण्ड फाइनान्सले हाल कायम चुक्ता पूँजीको ५ दशमलव ०५ प्रतिशत नगद लाभांश वितरण गर्ने प्रस्ताव गरेको छ ।
बोटलर्स नेपाल (तराई) ले पुस २७ गते हुने साधारणसभामा प्रतिशेयर ६० रुपैयाँका दरले नगद लाभांश वितरण गर्ने प्रस्ताव पारित गर्ने भएको छ ।
मन्दाकिनी हाइड्रोपावरले पुस २९ गते हुने दशौँ वार्षिक साधारण सभामार्फत् हाल कायम चुक्ता पूँजीको ४ दशमलव ७५ प्रतिशतका दरले बोनस शेयर र सोको कर प्रयोजनार्थ ० दशमलव २५ प्रतिशतका दरले नगद लाभांश वितरण गर्ने प्रस्ताव पारित गर्ने भएको छ ।
