विराटचोकः हालै चीनको बेइजिङमा हिउँ परिरहेको पार्कमा एक जना व्यक्ति पलेँटी मारेर सेतो रङको पातलो पहिरनमा बसेका व्यक्तिको तस्बिर भाइरल भयो ।
लामो कपाल भएका ती व्यक्तिले कपाल गुजुल्ट्याएर जुरो बनाइएका छन् । दारी पालेका उनको कपाल र दारीतिर आकाशबाट खस्दै गरेको हिउँ टाँसिएको देखिन्छ । जाडो मौसममा सबैले बाक्ला लुगा लगाइरहँदा हिउँमा पलेँटी मारेर बसेका उनी नेपाली युवा हुन् ।
उनी ‘अमर गुरु’ नामले चिनिने योग प्रशिक्षक रमेश सिटौला हुन् । पछिल्लो समय उनी परिवारसहित चीनको राजधानी बेइजिङमा बसेर चिनियाँलाई योग सिकाइरहेका छन् ।
