विराटचोकः रङ्गेली साहित्य कला समाज, मोरङको अध्यक्षमा चिरञ्जीवी काफ्ले चयन हुनुभएको छ । समाजको विशेष भेलाले काफ्लेलाई अध्यक्षमा सर्वसम्मत रूपमा चयन गरेको हो । यसअघि उहाँ सचिव पदमा कार्यरत हुनुहुन्थ्यो ।
नवगठित कार्यसमितिको उपाध्यक्षमा कमला ढकाल, सचिवमा मिथलेशकुमार अधिकारी र कोषाध्यक्षमा चन्द्रप्रसाद आचार्य चयन हुनुभएको छ ।
कार्यसमिति सदस्यहरूमा मोतीराम ढुङ्गाना, डम्बरबहादुर खड्का, राजेन्द्र राजवंशी, विपिन लुइँटेल र अभिषेक सरदार चयन हुनुभएको छ ।







