काठमाडौंः आज भइरहेको नेपाल प्रिमियर लिग (एनपीएल)को दोस्रो क्वालिफायरमा विराटनगर किंग्सले लुम्बिनीविरुद्ध पहिले बलिङ गर्दैछ ।
विराटनगरका कप्तान सन्दीप लामिछानेले टस जितेर पहिले बलिङको निर्णय गर्दै लुम्बिनीलाई ब्याटिङको निम्तो दिएका हुन् ।
आजको खेलमा विराटनगरले सूर्य तामाङ र नारायण जोशीको ठाउँमा सुवास भण्डारी र शंकर रानालाई खेलाउँदैछ । लुम्बिनी लायन्सले भने हिजोको खेलमा कुनै परिवर्तन गरेको छैन ।
यो नकआउट खेल भएकोले पराजित हुने टिम प्रतियोगिताको तेस्रो टिम हुँदै बाहिरिनेछ भने जित्ने टिमले सुदूरपश्चिम रोयल्सँग फाइनल खेल खेल्नेछ ।
