काठमाडौंः आज अपराह्न्न ४ बजे आज सिद्धार्थ बैंक नेपाल प्रिमियर लिग क्रिकेट २०२५ को दोस्रो क्वालिफायरमा विराटनगर किङ्स र लुम्बिनी लायन्स भिड्दैछन् । आजको विजेताले फाइनलमा सुदूरपश्चिमसँग खेल्नेछ ।
विराटनगर किंग्स पहिलो क्वालिफायरमा सुदूरपश्चिमसँग पराजित भएर दोस्रो क्वालिफायरमा विजयी भएर फाइनल पुग्न खेल्दैछ । लुम्बिनी लायन्सले भने हिजो भएको इलिमिनेटरमा काठमान्डु गोर्खाजलाई हराएर दोस्रो क्वालिफायरमा स्थान बनाएको हो ।
विराटनगर यस प्रतियोगिताअघि नै स्टार विदेशी खेलाडी अनुबन्ध गरेर चर्चामा आएको टिम हो । गत संस्करणको खराब प्रदर्शन बिर्साउँदै प्लेअफ पनि पुगेको छ ।
लुम्बिनीले लगातार चौथो जीत निकालेर यहाँसम्म आइपुगेको छ । लिग चरणका अन्तिम ३ खेलमा लगातार जित निकालेको लुम्बिनीले इलिमिनेटरमा काठमान्डु गोर्खाजलाई हराएको हो ।
लुम्बिनी र विराटनगरले दुवै संस्करणमा गरेर २ पटक खेलेका छन् । दुवैले एक–एक खेल जितेका छन् ।
आजको खेलमा पराजित हुने टोली प्रतियोगिताको तेस्रो टोली हुनेछ ।
