काठमाडौंः आज नेपाल प्रिमियर लिग (एनपीएल)मा दुई खेल हुँदैछन् । अहिले पौने १२ बजे शुरु भएको पहिलो खेलमा चितवन राइनोजले टस जितेर पहिले ब्याटिङ गर्दैछ ।
चितवनले आजको खेलका लागि बोहरा र रिजन ढकालको स्थानमा अमरसिंह राउटेला र आइकोनिक खेलाडी सौगात ढकाललाई अघि सारेको छ । जनकपुरले पनि आजको खेलमा ललित राजवंशी र किशोर महतोको स्थानमा अनिल साह र सचिन भट्टलाई अघि सारेको छ ।
हालसम्म खेलेका सबै ४ खेलमा लगातार हार बेहोरेको साबिक विजेता जनकपुर आज पनि पराजित भएमा प्रतियोगिताबाट बाहिरिनेछ ।
