काठमाडौंः नेपाल विद्यार्थी संघ (नेविसंघ)ले स्वतन्त्र विद्यार्थी युनियन, नेपाल (स्ववियु परिषद्, नेपाल) गठन गरेको छ ।
विश्वविद्यालयका कलेजमा निर्वाचित अध्यक्ष, पदाधिकारी एवं सदस्यहरूको प्रतिनिधिमूलक साझा संस्थाका रूपमा स्ववियु परिषद् नेपाल गठन भएको बताइएको छ ।
नेविसंघले परिषद्को अधिवेशन मिति पनि तय गरेको छ । मंसिर ११, १२ र १३ गते त्रिभुवन विश्वविद्यालय परिसरमा अधिवेशन हुने भएको छ ।
अधिवेशन व्यवस्थापनका लागि राज थेबेको संयोजकत्वमा ७ सदस्यीय समिति गठन गरिएको छ । सो समितिको सदस्यमा पंकजकुमार क्षेत्री सुवेदी, कमला सिंह शाही, अमृत कार्की, मेघराज थापा, करुणासागर सिग्देल र लक्ष्मीकुमारी बोगटी हुनुहुन्छ ।
नेपाल विद्यार्थी संघका अध्यक्ष दुजाङ शेर्पाले हिजो जारी गरेको सूचनामा सो विषय उल्लेख गरिएको छ ।
