गछियाः मोरङको सुन्दरहरैंचा–३ गछियामा रहेको साथी कम्प्युटर लर्निङ सेन्टरले सो संस्थामा अध्ययनरत विद्यार्थीहरूबीच हाजिरीजवाफ प्रतियोगिता गराएको छ ।
पहिलो चरण समूहगत र दोस्रो चरण व्यक्तिगत प्रतिस्पर्धाका रूपमा सञ्चालन गरिएकोमा समूहगत प्रतियोगितामा ६ वटा समूह सहभागी थिए । प्रतियोगितामा समूह सी पहिलो, समूह ई दोस्रो तथा समूह ए तेस्रो भएका थिए ।
सेन्टरका सञ्चालक निरन्जनप्रसाद आचार्यका अनुसार पहिलो हुने टिमलाई नगद ३ हजार, प्रमाणपत्र र ट्रफी प्रदान गरिएको थियो । दोस्रो हुने समूहलाई नगद २ हजार ट्रफी र प्रमाणपत्र तथा तेस्रो हुने समूहलाई नगद १ हजार, ट्रफी र प्रमाणपत्र प्रदान गरिएको थियो ।
पहिलो चरणमा उत्कृष्ट प्रदर्शन गरेका समूह सी र ई का विद्यार्थीहरूले व्यक्तिगत रूपमा दोस्रो चरणमा प्रतिस्पर्धा गरेका थिए । जसमा विजय विश्वकर्माले १६ वटा प्रश्नको लागतार सही जवाफ दिई नगद १० हजार रुपैयाँ प्राप्त गरे ।
वृन्दा बास्तोला र दीपिका खड्काले २० वटा प्रश्नको जवाफ दिएकाले उनीहरुले कम्प्युटर सेट, ट्रफी, प्रमाणपत्र र १० हजार नगद पुरस्कार हात पारे ।
