काठमाडौंः बंगालको खाडीमा सक्रिय चक्रवात ‘मोन्था’ अधिक शक्तिशाली भएर गम्भीर चक्रवाती आँधीमा परिणत भएको छ । जसका कारण आन्ध्र प्रदेशको तमिलनाडुका केही भागमा भारी वर्षा भएको बताइएको छ ।
भारतीय मौसम विभागले जनाएअनुसार सो चक्रवात आन्ध्र प्रदेशको तटीय क्षेत्र पार गर्ने अनुमान गरेर आन्ध्र प्रदेश, ओडिशाका केही भूभागका लागि चक्रवातको चेतावनी जारी गरिएको छ । सो आँधी आन्ध्र प्रदेशको काकिनाडा नजिक मछलीपट्टनम र कलिंगपट्टनमको बीचको तट पार गरिसकेको छ ।
सो समयमा हावाको गति ९० देखि १०० किलोमिटर प्रति घण्टासम्म हुने र ‘मोन्था’को प्रभाव नेपालमा पनि पर्ने बताइएको छ । मौसमविद्हरूका अनुसार भारतमा सक्रिय भएको यो प्रणाली भोलि बिहीबार नेपालको पूर्वी भागबाट प्रवेश गर्नेछ र नेपालको कोशी, मधेस, बागमती र गण्डकी प्रदेशमा वर्षा गराउनेछ ।
