विराटचोकः आज पनि सुनको भाउले रेकर्ड ब्रेक गरेको छ । योसँगै आज लगातार तेस्रो दिन सुनको भाउले रेकर्ड ब्रेक गरेको छ । चाँदीको भाउले पनि लगातार २ दिन उच्च मूल्यको रेकर्ड ब्रेक गरे पनि आज भने स्थिर रहेको छ ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला २ लाख ३५ हजार ४०० रुपैयाँ निर्धारण भएको छ । चाँदीको भाउ प्रति तोला २ हजार ९६० रुपैयाँ निर्धारण भएको छ ।
हिजो असोज २० गते सुनको भाउ तोलामा २ हजार ५०० रुपैयाँ र चाँदीको भाउ तोलामा ३० रुपैयाँ बढेको थियो । हिजो सुन र चाँदीको भाउले अस्ति कायम उच्च मूल्यको रेकर्ड तोडेको थियो ।
