विराटचोकः नेपाल रेडक्रस सोसाइटी प्रादेशिक शाखा विराटनगरको प्राविधिक सहयोगमा स्वतन्त्र नागरिक समाज सुन्दरहरैंचाले गरेको रक्तदानमा १३ जनाले रक्तदान गर्नुभएको छ ।
समाजका संयोजक चिरञ्जीवी शिवाकोटीका अनुसार देशमा विद्यमान रगत अभावको समस्या समाधान गर्न तथा हालैको जेन–जी आन्दोलनमा घाइते भएका सयौं विद्यार्थी र सुरक्षाकर्मीहरूलाई सहयोग पुर्याउने उद्देश्यले कार्यक्रम आयोजना गरिएको हो । कार्यक्रमको प्रमुख अतिथि पूर्व प्रहरी उपरीक्षक नरेन्द्रप्रसाद उप्रेती हुनुहुन्थ्यो ।
रक्तदान कार्यक्रमको विशिष्ट अतिथिमा सुन्दरहरैंचा वडा नं. ७ का वडाध्यक्ष भुवन सिंह मगर, वडा नं. ९ का वडाध्यक्ष प्रकाश श्रेष्ठ, ज्ञान ज्योति इङ्लिस स्कुलका प्रिन्सिपल देवी सिटौला, नेपाल तामाङ घेदुङ संघ कोशी प्रदेश संयोजक मित्रसेन योञ्जनलगायत हुनुहुन्थ्यो ।
