लेटाङः मोरङको लेटाङ– ९ जाँतेस्थित गणेश मन्दिर परिसरमा श्रीकृष्ण गौशाला नाम दिएर उत्तरी मोरङकै पहिलो गौशाला सञ्चालनमा आएको छ ।
झापाको शिवसत्ताक्षी नगरपालिकास्थित सतासीधाम धार्मिक तथा पर्यटन विकास समितिका पूर्वअध्यक्ष प्रसाद सुब्बा, गोलोक गोवद्र्धन गौशालाका संरक्षक नन्दकिशोर भारद्वाज, पण्डित घनश्याम खनाल लगायतको उपस्थितिमा विशेष कार्यक्रम गरी गौशाला सञ्चालनमा ल्याइएको हो ।
गोलोक गोवर्धन गौशालाले निःशुल्क उपलब्ध गराएका १२ वटा गाई र एउटा नन्दी (साँढे) जाँतेस्थित श्रीकृष्ण गौशालालाई धर्मिक विधिपूर्वक हस्तान्तरण गरि गौशाला सञ्चालन गरिएको हो । गौशाला सञ्चालनका लागि स्थानीय स्तरमा सहयोग जुटाएर गोठ निर्माण गर्नुका साथै परालको व्यवस्थापन गरिएको बताइएको छ ।
