गोठगाउँः पूर्वाञ्चल विश्वविद्यालय शिक्षण अस्पताल सुन्दरहरैंचामा पहिलो पटक शल्यक्रिया सेवा शुरु गरिएको छ । नव–निर्मित शल्यकक्ष र शल्यक्रिया वार्डको स्थापना पछि मङ्गलबार अस्पतालले पहिलो पटक सफल शल्यक्रिया गरी सेवा प्रारम्भ गरेको हो ।
२८ वर्षीय पुरुषको कुमको सफल हाडजोर्नी शल्यक्रिया हाडजोर्नी विशेषज्ञ तथा उप–प्राध्यापक डा. रोबिन श्रेष्ठको नेतृत्वमा सम्पन्न भएको थियो । शल्यक्रिया टोलीमा हाडजोर्नी सर्जन डा. धीरज सिंह, एनेस्थेसियोलोजिस्ट डा. विकास अधिकारी लगायत हुनुहुन्थ्यो ।
अस्पतालका निर्देशक प्रा.डा. दीपेन्द्रकुमार गिरीका अनुसार अहिले अस्पतालमा ३०० मेडिकल बेड सञ्चालनमा ल्याइएको छ ।
