य यही जेठ २४ गते सलकपुर खानेपानी उपभोक्ता तथा सरसफाइ समितिको नेतृत्व चयनका लागि हुने निर्वाचनमा नेपाली कांग्रेस समर्थित लोकतान्त्रिक समूहले आफ्नो प्यानलका उम्मेद्वार सार्वजनिक गरेको छ ।
चुनावी प्रचारका लागि घरदैलो अभियान शुरु गरिसकेको यो समूहले श्यामप्रसाद ढकालको अध्यक्षतामा ११ सदस्यीय कार्यसमिति र ३ सदस्यीय लेखा समितिको नाम सार्वजनिक गरेको हो । आज सलकपुरमा आयोजित पत्रकार सम्मेलनमा सो समूहका उम्मेद्वारको नाम सार्वजनिक गरिएको हो ।
सो समूहले उपाध्यक्षमा दीपक गुरुङ, सचिवमा उद्धवप्रसाद अधिकारी, सहसचिवमा दीनानाथ अधिकारी (दिपेश), कोषाध्यक्षमा साबित्रा पोखरेललाई अघि सारेको छ ।
सदस्यहरूमा बबिता कार्की अधिकारी, लक्ष्मी भण्डारी, ज्ञानबहादुर खड्का, राजु बरुवाल, मकबुल मिया र सिलास उराउलाई उम्मेद्वारको रूपमा अघि सारेको छ ।
इञ्जिनियर सरोज भट्टराई लेखा संयोजक रहने गरी लेखा समिति सदस्यमा कपिल पोखरेल र मन्दिरा थापालाई अघि सारिएको छ ।
