विराटचोकः गत वर्ष झैँ यस वर्ष पनि सुन्दरहरैंचा उद्योग वाणिज्य संघले सामुहिक रुपमा बजेट भाषण सुन्ने र अन्तरक्रिया गर्ने कार्यक्रम सम्पन्न गरेको छ ।
संघीय सरकारले हिजो १९ खर्ब ६४ अर्ब ११ करोड रुपैयाँको अनुमानित बजेट आगामी आर्थिक वर्षका लागि प्रस्तुत गरेको छ । सो बजेट भाषण प्लानेट लाउञ्ज विराटचोकमा सामुहिक रुपमा बसेर सुन्ने तथा प्रतिक्रिया दिने काम व्यवसायीले गरेका हुन् ।
बजेटपछि प्रतिक्रिया दिने अधिकांशले बजेट राम्रो भए पनि कार्यान्वयनमा शंका व्यक्त गर्नुभएको थियो । त्यस्तै, बजेटको पूर्ण स्रोत सुनिश्चित नभएकाले कतिपय योजनाका लागि छुट्याइएको रकम प्राप्तिमा संशय रहेको व्यवसायीको भनाइ थियो ।
सुन्दरहरैंचा उद्योग वाणिज्य संघले गत वर्षदेखि बजेट प्रत्यक्ष रुपमा सुनेर अन्तरक्रिया गर्ने कार्यक्रम शुरु गरेको हो ।
