विराटचोकः नेपाली भाषामा डोमेन प्रयोग गरिएको पहिलो वेबसाइट ‘क्यान.संगठन’ सार्वजनिक गरिएको छ । कम्प्युटर एसोसिएसन नेपाल (क्यान) महासंघले ‘युनिभर्सल एक्सेप्टेन्स’ (युए) कार्यक्रम अन्तर्गत गत शनिबार सो वेबसाइट सार्वजनिक गरेको हो ।
क्यान महासंघका कार्यबाहक अध्यक्ष चिरञ्जीवी अधिकारीका अनुसार ‘क्यान डट संगठन’ डोमेनको वेबसाइट देवनागरी लिपिमा ‘क्यान.संगठन’ को रूपमा ल्याउन करिब एक वर्षदेखि पहल गरिएको थियो ।
नेपाली डोमेन आएपछि ईमेल पनि नेपालीमा आउने बनाउनेतर्फ पहल भइरहेको बताइएको छ ।
के हो युए प्रणाली ?
युए प्रणाली एक प्राविधिक आवश्यकता हो । जसले सबै मान्य डोमेन नामहरू र इमेल ठेगानाहरू सबै इन्टरनेट–सक्षम अनुप्रयोगहरू, उपकरणहरू र प्रणालीहरू द्वारा प्रयोग गर्न सकिन्छ भनेर सुनिश्चित गर्दछ ।
