विराटचोकः ब्राइट फ्युचर माध्यमिक विद्यालय सुन्दरहरैंचा–८ ले ‘ब्राइट फ्युचर स्पोट्र्स मिट’ २०८१ मा विभिन्न विधाका ४५ खेलमा प्रतिष्पर्धा गराएको छ ।
फुटबल, भलिबल, टग अफ वार, चेस, ब्याडमिन्टन, टेबलटेनिस, म्युजिकल चेयर, हट आलु, स्लो साइकल दौड, सुई र धागो दौड, चम्चा र मार्बल दौड, मेमोरी टेस्ट, फ्रिज आउट, बल सुटिङ, सटपुट, १०० मिटर, २०० मिटर दौड, उच्च जम्प, लामो जम्प, ट्रिपल जम्प, बल पोउरिङ, जार फिलिङ, ईटिएमजीलगायतका खेल सञ्चालन गरिएको हो ।
विद्यार्थीहरूमा पठनपाठनसँगै शारीरिक र संवेगात्मक विकासमा महत्वपूर्ण फाइदा पुर्याउने उद्देश्य राखी खेलकुद सञ्चालन गरिएको विद्यालयका प्रिन्सिपल टीकाराम ढकालले जानकारी दिनुभयो ।
