विराटचोकः वाणिज्य बैंकहरुले माघ महिनाका लागि तोकेको ब्याजदरमा १७ वटाले पुसकै ब्याजदरलाई निरन्तरता दिएका छन् । दुई वाणिज्य बैंकले ब्याजदर घटाएका छन् भने एउटाले बढाएको छ ।
माघ महिनामा ब्याजदर घटाउने बैंक नेपाल एसबिआई बैंक र कृषि विकास बैंक रहेका छन् । नेपाल एसबिआई बैंकले व्यक्तिगत मुद्दति निक्षेपको अधिकतम ब्याजदर ६ प्रतिशतबाट ५.५ प्रतिशतमा झारेको छ भने कृषि विकास बैंकले ५.५७ प्रतिशतबाट ५.५१ प्रतिशतमा झारेको छ ।
लक्ष्मी सनराइज बैंकले भने ब्याजदर बढाएको छ । बैंकले व्यक्तिगत मुद्दति निक्षेपको अधिकतम ब्याजदर ५.५० प्रतिशतबाट बढाएर ५.७५ प्रतिशत पुर्याएको हो ।
दुई बैंकहरुको ब्याजदर घटेपछि बैंकहरुको औसत ब्याजदर पनि सामान्य घटेको छ । पुस महिनाको तुलनामा माघ महिनामा बैंकहरुको ब्याजदर ०.०१५५ प्रतिशतविन्दु घटेको छ ।
