उद्धार गर्नु अघि र पछिको टुन्का चौधरीको तस्बिर
तीनपैनीः सुन्दरहरैंचा नगरपालिकाको वडा नम्बर ५ की वडा सदस्य इन्दिरा चापागाईँ घिमिरे सामाजिक काममा अग्रसर हुने गर्नुहुन्छ ।
यसै क्रममा लामो समयदेखि सहाराविहीन भएका मानसिक रोगबाट ग्रसित व्यक्तिलाई उहाँले उद्धार गरी हाम्रो घर आश्रम झापामा पुर्याउनुभएको छ । एउटा रूखको फेदमा दुई पाता टिनको छानो लगाएर झुपडी बनाएर त्यसमा बस्दै आएका टुन्का चौधरीलाई चापागाईँले उद्धार गर्नुभएको हो ।
सबै कानुनी प्रक्रिया पूरा गरेर हाम्रो घर आश्रम बिर्तामोड पुर्याइएका चौधरीको नागरिकता बनाउन पनि पहल गरिने उहाँ बताउनुहुन्छ ।
