विराटचोकः दुई दिन अघि मंसिर १८ गते कायम भएको उच्च मूल्यको रेकर्ड तोड्दै आज अमेरिकी डलरको भाउले नयाँ रेकर्ड कायम गरेको छ । सो दिनको भन्दा ७ पैसा र हिजो भन्दा ९ पैसा बढेर डलरको भाउ उच्च मूल्यमा पुगेको हो ।
नेपाल राष्ट्र बैंकका अनुसार आज १ अमेरिकी डलरको भाउ बिक्रीदर १३५ रुपैयाँ ८९ पैसा र खरिददर १३५ रुपैयाँ २९ पैसा कायम भएको छ । यो अहिलेसम्मकै उच्च भाउ हो । यसअघि मंसिर १८ गते डलरको भाउ १३५ रुपैयाँ ८२ पैसा पुगेर रेकर्ड कायम गरेको थियो ।
आज १ युरोको बिक्रीदर १४२ रुपैयाँ ७४ पैसा रहेको छ भने खरिददर १४२ रुपैयाँ ११ पैसा रहेको छ । बेलायती पाउन्ड १ को बिक्रीदर १७२ रुपैयाँ १९ पैसा र खरिद दर १७१ रुपैयाँ ४३ पैसा रहेको राष्ट्र बैंकले जनाएको छ ।
