विराटचोकः नेपाल आयल निगमले डिजेल र मट्टीतेलको मूल्य बढाएको छ । शुक्रबार साँझ बसेको निगम सञ्चालक समितिको बैठकले डिजेल र मिट्टीतेलमा प्रतिलिटर ३ रुपैयाँ मूल्य बढाएको हो । यो मूल्य शुक्रबार १२ बजेदेखि लागू भएको छ ।
मूल्य बढेपछि चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज क्षेत्रमा डिजेल र मट्टीतेलको मूल्य प्रतिलिटर १५० रुपैयाँ ५० पैसा कायम भएको छ ।
सुर्खेत र दाङमा डिजेल र मट्टीतेलको मूल्य प्रतिलिटर १५२ रुपैयाँ कायम भएको छ । काठमाडौं, पोखरा र दिपायलमा डिजेल र मट्टीतेलको मूल्य प्रतिलिटर १५३ रुपैयाँ कायम भएको छ ।
निगमले खाना पकाउने एलपी ग्यास, हवाइ इन्धन र पेट्रोलको मूल्य भने यथावत् रहेको जनाएको छ ।
