काठमाडौंः चन्द्रागिरि नगरपालिका वडा नंं–७ स्थित घुमाउनेटोलमा ‘ड्रिम वर्ल्ड एम्युजमेन्ट’ पार्क सञ्चालनमा आएको छ ।
६ करोड लगानीमा नेपालमा हालसम्मकै सबैभन्दा ठूलो क्षेत्रपÞmल र लगानीमा सो एम्युजमेन्ट अर्थात मनोरञ्जन पार्क सञ्चालनमा ल्याइएको हो । ५ रोपनी क्षेत्रफलमा रहेको चार तले भवनको तीन वटा तला रमाइला थ्रीडी आर्ट तथा विभिन्न आकृतिहरुको भरिएका छन् ।
आगन्तुकका लागि विभिन्न फास्टफुड क्याफे तथा रेस्टुरेन्ट पनि सञ्चालन गरिएको छ । यस सम्बन्धि जानकारी गराउने उद्देश्यले आयोजना गरिएको पत्रकार भेटघाट कार्यक्रममा पार्कका अध्यक्ष सुमन किशोर पुनले घुुमफिरको आनन्द लिन ड्रिम वर्ल्डको परिकल्पना गरिएको बताए ।
एउटा घरभित्र निर्माण गरिएको मनोरञ्जनात्मक सो पार्क एउटा सपनाको संसार भएको र सो घरभित्र नयाँ र आकर्षक विशेष प्रविधियुक्त वस्तु, चित्र तथा मनोरञ्जनका साधनहरूबाट नौलो र रोचक अनुभवहरू प्राप्त गर्न गर्न सकिने बताइएको छ ।
