काठमाडौंः विदेशी भूमिमा रहेर नेपाली गीत–संगीतमा टेवा पुर्याइरहेका गीतकार रोज लामा योञ्जनले ‘मेरो माया सजाउँदा…’ बोलको गीत सार्वजनिक गरेका छन् । उनी हाल कतारमा छन् ।
विगत लामो समयदेखि गीत लेखनमा सक्रिय गीतकार रोज लामा योञ्जनको गीतमा संगीत तथा संगीत संयोजन सुनिल राईले गरेका छन् भने गीतमा शशि किरातीको स्वर रहेको छ ।
गीतको छायाङ्कन, सम्पादन सुवास लिम्बूले गरेका हुन् । रोहित लाम्गादेको निर्देशनमा तयार भएको म्युजिक भिडियोमा आयसा क्षेत्री र नहिम अलीले अभिनय गरेका छन् ।
गीतकार रोज लामा योन्जनको अर्को गीत ‘तिम्रो नयन…’ पनि केही समयअघि युट्युबमा सार्वजनिक गरिएको थियो ।
