विराटचोकः आज पनि सुनको मूल्यले नयाँ रेकर्ड कायम गरेको छ । सुनको भाउले निरन्तर दोस्रो दिन नयाँ रेकर्ड बनाएको हो ।
नेपाल सुनचाँदी व्यवसायी महासंघका अनुसार आज सुनको मूल्य तोलामा ४०० रुपैयाँले बढेर प्रतितोला एक लाख ५९ हजार २०० रुपैयाँ पुगेको छ । चाँदीको भाउ आज स्थिर रहेको छ । महासंघका अनुसार आज चाँदीको भाउ तोलाको १ हजार ९२० रुपैयाँ रहेको छ ।
हिजो सुनको भाउ तोलामा १ हजार ७०० रुपैयाँ र चाँदीको भाउ तोलामा ५ रुपैयाँ बढेको थियो ।
