विराटचोकः नेपाल राष्ट्र बैंकले दशैंको लागि असोज १३ गतेदेखि सुकिला नोट साट्न पाइने भएको छ । बैंकले दशैंअघि नयाँ नोट वितरण गर्दै आएको भए पनि यसपटक नयाँ नोटको सट्टा सुकिला नोट साट्ने भएको हो ।
दशैंमा नयाँ नोट वितरण गर्दा चाँडै पुरानो हुने भएकाले नयाँ नोटको सट्टामा पुरानै नोट वितरण गर्न लागिएको बैंकले जनाएको छ । बैंकले ५, १०, २०, ५० र १०० रुपैयाँ दरका सुकिला नोट १\१ सेटको दरले १८ हजार ५०० रुपैयाँको सुकिला नोट साट्न पाइने भएको हो ।
