उर्लाबारीः मोरङको रतुवामाई नगरपालिका वडा नम्बर ९ मा रहेको एनआइसी एशिया लघुवित्त वित्तीय संस्था शाखा कार्यालय इटहराले इटहरा प्रहरी चौकीलाई दुई थान फलैँचा प्रदान गरेको छ ।
इटहरा प्रहरी चौकीमा एक कार्यक्रमका बीच सो फलैचा हस्तान्तरण गरिएको हो ।
कार्यक्रमलाई सम्बोधन गर्दै सो लघुवित्तको इटहरा शाखाका प्रमुख मुरारी लम्सालले यस प्रकारको सामाजिक कार्य संस्थाले गरिरहेको बताए । कोरोना महामारीका बेला सदस्यहरुलाई निःशुल्क मास्क र सेनिटाइजर वितरण गरेको कुरा उनले बताए । विपन्न परिवारलाई न्यानो कपडा वितरण लगायतका सामाजिक काम संस्थाले गरिरहेको उनले जानकारी दिए ।
इटहरा प्रहरी चौकीका इन्चार्ज रामकुमार माझीले एनआईसी एशियाप्रति आभार प्रकट गरे । छलफलमा आएका सर्वसाधारणलाई बस्ने ठाउँ अभाव भइरहेका बेला संस्थाले दिएको फलैँचाको सदुपयोग हुने उनको भनाइ थियो ।
सोही कार्यक्रममा दीपक सप्लायर्सले एक थान बायोस्याण्ड फिल्टर चौकीलाई उपलब्ध गराएको थियो ।
