विराटचोकः सातै प्रदेशका विभिन्न पालिकाका विभिन्न पदमा गरी रिक्त ३४ पदमा मंसिर तेस्रो साता उपनिर्वाचन गर्न निर्वाचन आयोगले प्रस्ताव गरेको छ ।
२०७९ वैशाख ३० गते सम्पन्न भएको स्थानीय तहको निर्वाचनमा निर्वाचित भएपछि मृत्यु भएका विभिन्न नगरपालिकाका प्रमुख र उपप्रमुख तथा गाउँपालिकाका अध्यक्ष र उपाध्यक्ष तथा वडाध्यक्ष गरी जम्मा ३४ पद रिक्त रहेको आयोगले जनाएको छ ।
स्थानीय तह निर्वाचन ऐन, २०७३ मा रिक्त रहेका पदहरूको पदावधि एक वर्ष भन्दा बढी बाँकी रहेको अवस्थामा आयोगको परामर्शमा सरकारले मिति तोकी उपनिर्वाचनद्वारा रिक्त पदको पूर्ति गरिने व्यवस्था रहेको छ । सोहीअनुसार आयोगले उपनिर्वाचनको मिति प्रस्ताव गरेको हो ।
सोही प्रयोजनका लागि आयोगले मतदाता नामावलीमा नाम दर्ता गर्न आयोगले आह्वान गरेको हो ।
