विराटचोकः आज सुन र चाँदी दुवैको भाउ घटेको छ । सुनको भाउ तोलामा २ हजार ३ सय रुपैयाँ र चाँदीको भाउ तोलामा ६० रुपैयाँ घटेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ४७ हजार ७०० रुपैयाँ निर्धारण भएको छ ।
चाँदीको भाउ प्रति तोला १ हजार ७२५ रुपैयाँ निर्धारण भएको छ ।
हिजो सुनको भाउ तोलाको १ लाख ५० हजार रुपैयाँमा कारोबार भएर हालसम्मकै उच्च मूल्यको रेकर्ड कायम भएको थियो ।
