बागलुङः बागलुङ नगरपालिकाले कानुन विषय अध्ययन गर्ने विद्यार्थीलाई प्रोत्साहन गर्न थालेको छ । जसअनुसार नगरपालिकाले एक वर्षमा २० जना विद्यार्थीलाई कानुन विषय पढाउने भएको छ । २० जना विद्यार्थीको कक्षा ११ र १२ मा लाग्ने सबै शुल्क नगरपालिकाले तिर्ने भएको हो ।
कानुन विषय अध्यापन गराइरहेको आदर्श विद्यामन्दिर माध्यामिक विद्यालयसँग एक वर्षमा कक्षा ११ र १२ का विद्यार्थी गरी १०–१० जनाको सम्पूर्ण शुल्क व्यहोर्ने गरी सम्झौता गरिने बताइएको छ ।
