विराटचोकः आज सुन र चाँदी दुवैको भाउ घटेको छ । सुनको भाउ तोलामा १ हजार ३ सय रुपैयाँ र चाँदीको भाउ तोलामा २० रुपैयाँ घटेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ४६ हजार २ सय रुपैयाँ निर्धारण भएको छ । तेजाबी सुनको भाउ प्रति तोला १ लाख ४५ हजार ५ सय रुपैयाँ र चाँदीको भाउ प्रति तोला १ हजार ८१० रुपैयाँ निर्धारण भएको छ ।
शुक्रबार सुनको भाउ तोलामा २ हजार रुपैयाँ र चाँदीको भाउ तोलामा ३० रुपैयाँ घटेको थियो ।
साउन २ गते सुनको भाउ हालसम्मकै उच्च मूल्य प्रति तोला १ लाख ४९ हजार ८ सय रुपैयाँमा कारोबार भएको थियो ।
