विराटचोकः आज सुनको भाउ तोलामा २००० रुपैयाँ बढेको छ । योसँगै हिजो कायम भएको उच्च मूल्यको रेकर्ड आज फेरि तोडिएको छ ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ४९ हजार ८०० रुपैयाँ निर्धारण भएको छ । तेजाबी सुन प्रति तोला १ लाख ४९ हजार १०० रुपैयाँमा कारोबार भइरहेको छ । चाँदीको मूल्य प्रति तोला १ हजार ८९५ रुपैयाँ निर्धारण भएको छ ।
चाँदीको मूल्य भने उच्च मूल्यभन्दा तलै रहेको छ । चाँदीको उच्च मूल्यमा कारोबार हुँदा तोलाको १९०० रुपैयाँमा कारोबार भएको थियो ।
