विराटचोकः सुनको मूल्यले आज फेरि ऐतिहासिक उच्च मूल्यको रेकर्ड कायम गरेको छ । शुक्रबार हालसम्मकै उच्च मूल्यमा कारोबार भएको सुनको भाउ हिजो आइतबार स्थिर रहेको थियो । आज फेरि तोलामा २०० रुपैयाँ बढेर नयाँ कीर्तिमानी मूल्य कायम गरेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ४६ हजार ९०० रुपैयाँ निर्धारण भएको छ । तेजाबी सुनको भाउ प्रति तोला १ लाख ४६ हजार २०० रुपैयाँ र चाँदीको मूल्य प्रति तोला १ हजार ८८५ रुपैयाँ निर्धारण भएको छ । चाँदीको भाउ आज तोलामा १० रुपैयाँ बढेको छ ।
हिजो सुनको भाउ स्थिर रहेको थियो भने चाँदीको भाउ २५ रुपैयाँ घटेको थियो ।
