काठमाडौंः ‘के यो माया हो’ बोलको म्युजिक भिडियो सार्वजनिक भएको छ । गीतमा वरिष्ठ गायक स्वर्गीय जगतमर्दन थापाका नाति १९ वर्षीय युवा गायक आयुष्मान बिष्टको स्वर रहेको छ ।
रोमाण्टिक भर्सनको यस गीतमा सिद्धान्त खड्काको शब्द, संगीत रहेको छ । म्युजिक भिडियोमा स्वयम् गायक बिष्ट र शिल्पा थापाको अभिनय रहेको छ । श्रीजन रावलले कोरियोग्राफी गरेको भिडियोलाई बुद्ध थापाले छायांकन गरेका हुन् । विकास दाहालको भिडियोमा सम्पादन रहेको छ । पुष्पाञ्जली थापा बिष्ट निर्माता रहेको भिडियोलाई अनुप चापागाईको निर्देशनमा तयार पारिएको हो ।
यसअघि गायक बिष्टको ’पोखरेली नानी’ दर्शक स्रोता माझ लोकप्रिय छ ।
