भीमेश्वरः दोलखाको भीमेश्वर नगरपालिकाले ‘तेस्रो सन्तान, भीमेश्वरको वरदान– उज्यालो भविष्य’ कार्यक्रममार्फत् तेस्रो सन्तान जन्माउन प्रोत्साहन गर्ने भएको छ ।
साउन १ गतेबाट लागू हुने गरी तेस्रो सन्तानका रूपमा जन्मिने नवजात शिशुको नाममा बैंक खाता खोलेर १० हजार रुपैयाँ प्रोत्साहनस्वरूप जम्मा गर्ने नीति नगरले लिएको हो ।
जिल्लामा जन्मदर घट्नु, बसाइँसराइँ बढेर बस्ती रित्तिनुका साथै विद्यालय विद्यार्थीविहीन बन्न थालेपछि सन्तान वृद्धिका लागि प्रोत्साहन अभियान शुरु गरिएको नगरले जनाएको छ ।
वि. सं. २०७८ को जनगणनाअनुसार भीमेश्वरको जनसङ्ख्या ३४ हजार ७ सय ११ छ ।
