विराटचोकः आज सुन र चाँदी दुवैको भाउ बढेको छ । सुनको भाउ तोलामा १ हजार ९ सय रुपैयाँ र चाँदीको भाउ तोलामा २५ रुपैयाँ बढेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ४४ हजार ७ सय रुपैयाँ निर्धारण भएको छ । तेजाबी सुनको भाउ प्रति तोला १ लाख ४४ हजार रुपैयाँ र चाँदीको भाउ प्रति तोला १ हजार ८ सय ६५ रुपैयाँ निर्धारण भएको छ ।
हिजो सुनको भाउ तोलामा ६०० रुपैयाँ र चाँदीको भाउ तोलामा ३५ रुपैयाँ बढेको थियो ।
गत जेठ २५ गते सुनको भाउ हालसम्मकै उच्च मूल्यमा कारोबार हुँदा तोलाको १ लाख ४५ हजार रुपैयाँ पुगेको थियो । त्यसपछिका दिन सुनको भाउ केही घटेको थियो ।
