गोठगाउँः पूर्वाञ्चल विश्वविद्यालयका उपकुलपति डा. बिजुकुमार थपलियालाई मोरङको सुन्दरहरैंचा नगरपालिकाका निवर्तमान मेयर शिवप्रसाद ढकालले सफल कार्यकालको शुभकामना दिँदै विभिन्न सुझाव प्रस्तुत गर्नुभएको छ ।
विश्वविद्यालयमा प्राविधिक शिक्षामा जोड दिन, मेडिकल कलेज सञ्चालनको लागि आवश्यक बजेट विनियोजन गर्न, विभिन्न विषयगत विषयहरूमा स्थानीयको लागि अलग्गै प्रतिस्पर्धात्मक कोटाको निर्धारण गर्र्न सुझाव दिनुभएको छ । विश्वविद्यालयको जग्गा तथा सम्पत्तिको संरक्षण गर्न, रोकिएको परीक्षाफल प्रकाशन गर्न, विश्वविद्यालयमा स्थानीयलाई रोजगारीमा प्राथमिकता दिन र शिक्षण अस्पतालमा नियमित डाक्टरको सेवा उपलब्ध हुने वातावरण निर्माण गर्ने व्यवस्था गर्न सुझाव दिनुभएको छ ।
निवर्तमान मेयर ढकालको निवासमा सोमबार विभिन्न सङ्घ–संस्थाका प्रतिनिधिहरुसहित उपकुलपति थपलियासँगको भेटमा निवर्तमान मेयर ढकालले ती सुझाव प्रस्तुत गर्नुभएको हो । उपकुलपति डा. थपलियाले सुझावलाई लागू गर्न सक्दो प्रयास गर्ने प्रतिबद्धता व्यक्त गर्नुभएको थियो ।
