विराटचोकः आज पनि सुनको भाउ स्थिर रहेको छ । चाँदीको भाउ भने तोलामा १० रुपैयाँ घटेको छ । आइतबार ४ हजार रुपैयाँले घटेको सुनको भाउ हिजो र आज स्थिर भएको छ ।
नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला १ लाख ४१ हजार रुपैयाँ कायम भएको छ । तेजावी सुनको मूल्य प्रतितोला १ लाख ४० हजार ३ सय रुपैयाँ कायम भएको छ ।
आज चाँदीको मूल्य भने तोलामा १० रुपैयाँ घटेर प्रतितोला १ हजार ८२५ रुपैयाँ कायम भएको छ ।
शुक्रबार सुनको भाउ हालसम्मकै उच्च मूल्यमा पुगी रेकर्ड कायम हुँदा प्रति तोला १ लाख ४५ हजार रुपैयाँमा कारोबार भएको थियो ।
